Lo stazzo e le sue tradizioni

Antichi stazzi di gallura

"Stazzi di Gaddhura"

di Giacomo Murrighili

V'aggbju sempri illu còri, stazzi amati,
di la mé ghjà passata ciuintura:
casi spalti, bianchi (incalcinati),
ben intunati cun mamma natura;
lu pastrucciali in ghjru e, appaltati,
vaccili e rotu e alt'attrizzatura,
sistimata con cura illa piazza:
féstina, aratu e càrrulu, a un’azza.

V'éra sempri a un'azza, illu caponi
la lolga pa' lià la calarina,
e, in casa, la séddha e lu striglioni,
bàttulu e briddha, appiccati in cucina;
lu tilaggbju, la cascia, uppu e musoni;
e ... tanta 'jenti allégra e genuina:
calchi bon signurina e tanti stragni.
(parenti, amichi custrinti o lungagni).

Li meddhu manghi e meddhu cosiboni
s'uffrìani a li stranghj, di boncòri.
Pa' ricchi o p6ari o pa’ dummandoni
la so' 'janna éra abbalta a tutti l'ori:
a sér’ intréi dicendi canzoni,
o foli, o puru conti di timori,
ci passàani l'ori in cumpagnia
stragni e patroni, tutti in alligria.

Aïa, dugna casa la pruista
di stegli e tutti canti l'alimenti:
stegli di ramu alluccicati, in vista;
culbulitti e siazzi diffarenti;
laldu, casgiu, salticcia e una lista
d'altu pruisti, adducati, o prisenti’;
naturalmente latti e miciuratu,
e brocchi d'òciu e di méli farratu.

Ben appaltatu v'éra l'appusentu
undi culcà li stranghj di passagghju:
abbeddhu o pochi tutti canti a drentu,
a volti in dugna lettu érani un pagghju;
no' éra esclusu calcbi pinsamentu
pal calchi strangbja, suttu a lu carragghju,
ma lu curagghju li 'ina mancu
e... ci passâa la notti in biancu.

A fiancu a la casa, in dugna locu,
v éra sempri lu furru pa' lu pani:
cantu érani beddhi a car'a focu,
fendi lu furru, li steddhi 'agghjani:
lu .sangu, no’ pudendi âé isfòcu,
si li spagbja illi cantegghj sani,
come lu pani lùccichi e mascati,
san'appittittu di li 'nnamurati.

Cantu ciurrati beddhi in mezu a vòi,
cantu bîti di 'inu da la zucca,
cantu pricunti hagghju'ntesu illi còi,
cantu culti a cabaddhu cu' la rucca,
cantu brìghisi a cuiuati nòi,
cantu pùetti di sensu e di bucca,
cantu puetti véri amichi mei,
cantu beddhi cantati a notti 'ntréi!

Amichi méi, ch'âéti ospitatu
paricchj stranghj, a volti ancòra a truppa;
cantu farina a pani 'ét 'impastatu
pa’ li strangbj, talvolta calchi cuppa,
senza cuntà lu casgiu-furriatu,
la mazzafrissa, la carri e la suppa
màssimu s'éra 'in fruppa calchi baddhu,
ch'accudìani a pedi e a cabaddhu.

Pal festa o pal trabaddhu, in dugn'allogghju
n’accudia da 'llonga o cussuggjali;
fussi manialìa o tunditogghju
o candu s'ammazzàa lu mannali;
fussi l'alghjola o lu bibbinnatogghju
o puru laldagghjolu, o carrasciali
érani solidali: affiatati
ill'alligrìa come illa tristura

Vh’agghju sempri illu cori, stazzi amati
di la me' ghjà passata ciuintura.

Inizio pagina